PROJECT
的士記錄
好少的士司機留低過自己嘅數字。呢個係我自己寫俾自己用嘅工具， 一邊揸一邊記，順便睇清楚呢一行到底係點樣運作。
五個分頁
SCREENS 記錄
落單。車費、付款方式、接單方法、起訖點，一單一單記低。開住 GPS 就自動記埋路線同實際里程，唔使自己度。
待補
夜更好多時得閒先填得切。未填齊嘅單會留喺呢度等你補，唔會就咁散失。
歷史
逐單翻查，可以揀日期搵返。頂部有「今個營業日」總覽，收工前想知今日做成點就撳呢度。
分析
整個 App 嘅重心。每日結算逐日睇收支同軌跡，再落去係五組深入分析。
地圖
所有行程嘅起訖點同路線鋪晒喺一張地圖上面。撳一單就會高亮嗰程，其他淡出。
大概長咁樣
SCREENSHOTS下面幾張係示範用嘅假資料，唔係真實記錄。真嘅入面係我每一程車嘅收入同路線， 所以唔會擺出嚟。
分析入面有咩
ANALYTICS每日結算按營業日計，凌晨五點分界——夜更做到三四點嗰啲單，會算返前一日， 唔會無端端跨咗兩日。
隧道費
逐個營業日核對實收同實付，過海雙程收費點計都喺度。
時段與更份
早更／夜更／特更嘅時薪同單量比較，睇邊個時段真係值得出車。
效率與抉擇
$/km、$/min、長短途分佈，幫自己判斷接唔接一張單。
地區與流向
全港分咗 80 個區，睇邊區出車多、邊區收得好、車流點樣走。
淨利潤趨勢
扣咗車租同各項成本之後，真正落袋嘅數點樣行。
點樣整
HOW免安裝嘅網頁 App，加咗上 iPhone 主畫面就同一般 App 一樣用。 記錄先存喺電話本機，得閒自動同步上雲，所以隧道冇訊號都照落到單。
背景軌跡靠 OwnTracks 上報，伺服器只會保留開工期間嘅點—— 收咗工嘅私人行蹤唔會入庫。有咗軌跡就分得到載客同空車， 算到空駛率同空車熱點。
用咩砌：純 JavaScript、IndexedDB、Cloudflare Pages ＋ D1